Ұлағатты ұстаз жолы

Ақындардың алыбы,ойшылдардың озығы ұлы Абай өз сөзінде:“Адамның адамдығы жақсы ұстаздан”-деп үнге қосқан.Осы сөзбен-ақ Абай ұстаздық жолдың ұлы жол екендігін түсіндірген.Ұлы Абайдың ізімен ілескен қазақ поэзиясының жарық жұлдызы Мағжан да ұстаз жайлы :”Алты алаштың баласы бас қосса ,төр -мұғалімдікі” -деген сөзімен-ақ ұстаздық жолдың қадір қасиетін биік тұғырға қойғандай.Ақынның ақыны да, ақылдың ақыны да ұстаз мәртебесін жоғары бағалағаны анық.Талай асыл сөздің ділмарлары ұрпаққа сапалы білім,саналы тәрбие берер ардақты тұлғаларды қадір тұтқан.

Бүгінде білім беру кеңістігінде тәжірибелі де білімді ,кәсіби ұстаздар жетерлік.Солардың бірі Ғалым Малдыбаев атындағы Жаңажол орта мектебінің басшысы ,химия пәнінің мұғалімі Қазбекова Жайнагүл Қосманқызы.Талай жылдар бойы ұстаздық жолында еңбегімен дараланған Жайнагүл Қосманқызы жайлы ерекше құрметпен айтуға болады.Ол-тәжірибелі ұстаз,әділ басшы.Себебі ғибратты ғұмырының асыл уақыттарын жастарды оқыту мен тәрбиелеу ісіне арнап келеді.Жайнагүл Қосманқызы Жаңажол ауылында дүниеге келіп,1982 жылы орта мектепті аяқтап,сол жылы химия-биология мамандығы бойыншы Петропавл педагогикалық институтына түседі.1987 жылы институтты бітірген жоғары білімді жас маман ұстаздық еңбек жолын өз туған жерінің мектебінде химия мұғалімі болып бастайды. “Жас келсе,іске” дегендей ,аз уақыттың ішінде директордың тәрбие ісі жөніндегі орынбасары қызметіне тағайындалады.2002 жылдың 22 тамыз айынан мектеп директоры қызметіне тағайындалып,қазіргі күнге дейін ұжымды басқаруда.Тәжірибелі ұстаздың қарапайымдылығы мен еңбекке деген ерекше ынтызарлығы өзгелерден оны ерекшелендіргендей.Ұжымға қабылданған жас мамандарға кәсіби деңгейін жетілдіру ,шеберлігін шыңдау жолында бағыт бағдар беруші ретінде көп көмек көрсетіп келеді.Басшымыздың жас мамандарға берер бағыт бағдары біздің жемісті қызмет атқару жолымызда жол көрсетер шамшырақ іспетті. Ұстазыдық жолда 33 жыл уақыт қызмет атқара келе,талай білікті де ,дарынды шәкірттерді тәрбиеледі.Осы күнге дейін білім саласына қосқан үлесі үшін аудандық,облыстық білім бөлімдерінің бірталай марапаттарына ие болды.

Шәкірттерінің бойына білім шырағын жағар,асыл тұғырлы ұстаз Жайнагүл Қосманқызын ұжым ұстаздары атынан кәсіби мерекесімен шын жүректен құттықтаймын.Білім жолындағы жаңалықтарыңыз арта берсін.Өзгеге қарапайым ғана болғанымен,тарихтағы ұлы істі атқарып жүрген жұмысыңызға абырой тілеймін.Соңыңыздан ерген шәкірттеріңіз оқуда озат,өмірде патриот болуына тілектеспін.

Чтобы оставлять комментарии авторизуйтесь